सुदूरपश्चिम प्रदेशका मुख्यमन्त्री कमल बहादुर शाह ले बाजुरा जिल्लाको हिमाली गाउँपालिका–३ च्याचौर क्षेत्रमा निर्माणाधीन अस्थायीप्रहरी चौकीको विषयलाई लिएर भएको झडपमा घाइते भएकाहरूको उपचार प्रदेश सरकारले गर्ने बताएका छन्।
नेपाली काँग्रेसको बृहत्तर एकता र पुनर्जागरणका लागि आयोजित सुदूरपश्चिम प्रदेशस्तरीय भेलालाई सम्बोधन गर्दै मुख्यमन्त्री शाहलेघाइतेहरूको उपचारको सम्पूर्ण जिम्मेवारी प्रदेश सरकारले लिने र क्षतिपूर्तिको एकिन विवरण आएपछि त्यसको व्यवस्थापनमा समेतसरकार गम्भीर रहने उनले बताए।
मुख्यमन्त्री शाहले घटनामा संलग्न दोषीमाथि कानुनी कारबाहीका लागि प्रहरी प्रशासनले सक्रियता बढाएको जानकारी दिँदै अवरुद्धकर्णाली कोरिडोर तत्काल सुचारु गर्न स्थानीयवासीलाई आग्रह गरे।
जेठ २ गते बाजुरा जिल्लाको हिमाली गाउँपालिका–३ च्याचौरमा अस्थायी प्रहरी चौकी निर्माणका क्रममा हुम्लाका स्थानीयले अवरोधगर्दा झडप भएको थियो। उक्त झडपमा हुम्लाका स्थानीयको कुटपिटबाट बाजुराका ६ जना घाइते भएका थिए।
घटनापछि हिमाली युवा क्लबले पालिकाको केन्द्र धुलाचौरमा कर्णाली कोरिडोर अवरुद्ध गरेको थियो। जिल्ला प्रशासन कार्यालयबाजुराको समन्वयमा सर्वपक्षीय छलफल भई सडक सुचारु गरिएको थियो। छलफलपछि छानबिन गर्ने, लुटिएका व्यक्तिगत तथासार्वजनिक सम्पत्ति फिर्ता गराउने, घाइतेहरूको उपचार सुनिश्चित गर्ने र लामपाटाबाट विस्थापित स्थानीयको सुरक्षाको प्रत्याभूतिगराउनेलगायत ६ बुँदे सहमति भएको थियो।
तर सहमति अनुसार मागहरू सम्बोधन नभएको भन्दै स्थानीयवासी र युवाहरूले कर्णाली कोरिडोर पुनः अवरुद्ध गरेका छन्।
सुदूरपश्चिम प्रदेश सरकारले आर्थिक वर्ष २०८२/०८३ मा उक्त क्षेत्रमा अस्थायी प्रहरी चौकी निर्माणका लागि ४० लाख रुपैयाँ विनियोजनगरेको थियो। प्रदेश सरकारले हिमाली गाउँपालिकामार्फत वित्तीय हस्तान्तरण गरी निर्माण कार्य अघि बढाएको जनाएको छ। मुख्यमन्त्रीशाहले उक्त क्षेत्र सुदूरपश्चिम प्रदेशअन्तर्गत पर्ने स्पष्ट पार्दै विनियोजित बजेट प्रभावकारी रूपमा कार्यान्वयन गरिने बताएका छन्।
