ओखलढुंगा घर भएका निर्माण व्यवसायी हर्क श्रेष्ठमाथि निर्माण व्यवसायका नाममा ‘सिरियल ठगी’ गरेको आरोप लागेको छ। एकैपरिवारका तीन भाइ मिलेर तीनवटा निर्माण कम्पनी सञ्चालन गर्दै विभिन्न व्यक्ति तथा व्यवसायीबाट करोडौँ रुपैयाँ ठगी गरेकोपीडितहरूले दाबी गरेका छन्।
पीडितहरूका अनुसार श्रेष्ठसँग सम्बन्धित बृटिस एन्ड अनुभवी कन्स्ट्रक्सन, अनुभवी कन्स्ट्रक्सन र जेके एकता कन्स्ट्रक्सन नामकाकम्पनीमार्फत विभिन्न व्यक्ति तथा संस्थासँग आर्थिक कारोबार भएको थियो। कारोबारपछि रकम भुक्तानी नगरेको र उल्टै कानुनी तथाप्रशासनिक प्रक्रिया प्रयोग गरेर आफूहरूलाई दबाब दिने गरेको पीडितहरूको आरोप छ।
श्रेष्ठ र उनका दाजु जितबहादुर श्रेष्ठले ओखलढुंगाको सिद्धिचरण नगरपालिका–११ मा रहेको वेन्जु आयल सप्लायर्सबाट लामोसमयसम्म इन्धन उधारो लिएको र करिब ७० लाख रुपैयाँ बक्यौता रहेको पेट्रोल पम्प सञ्चालक विश्वेश्वर बरालको दाबी छ। बरालकाअनुसार बक्यौता रकम भुक्तानी गर्नुको सट्टा श्रेष्ठले काठमाडौं प्रहरीमा अनुचित लेनदेनसम्बन्धी उजुरी दिएका थिए।
ओखलढुंगा निर्माण व्यवसायी संघका अध्यक्ष तथा सिद्धिचरण नगरपालिका–११ का वडा अध्यक्ष विनोदकुमार ताम्राकारले समेतश्रेष्ठबाट आफू ठगीमा परेको बताएका छन्। ताम्राकारका अनुसार कान्छाराम कन्स्ट्रक्सनबाट पेटी ठेक्का लिएर काम गर्ने क्रममा श्रेष्ठलेविभिन्न व्यक्तिसँग आर्थिक कारोबार गरेका थिए।
#गोपाल श्रेष्ठबाट १० लाख रुपैयाँ लिएको आरोप
उद्योग वाणिज्य महासंघ सुनसरीका अध्यक्ष गोपाल श्रेष्ठले समेत हर्क श्रेष्ठले आफूसँग १० लाख रुपैयाँ सापटी लिएको बताएका छन्।ठूलो पेटी ठेक्कामा लगानी गर्नुपर्ने र त्यसबाट फाइदा बाँड्ने भन्दै रकम लिएको तर फिर्ता गर्ने क्रममा दिएको चेक नसाटिएको उनकोभनाइ छ।
यस विषयमा श्रेष्ठविरुद्ध इलाका प्रहरी कार्यालय धरानमा ठगीसम्बन्धी प्रक्रिया अघि बढेको बताइएको छ। जनरक्षाले यस विषयमाइलाका प्रहरी कार्यालय धरानका डीएसपीसँग सम्पर्क गर्दा श्रेष्ठविरुद्ध अदालतबाट पक्राउ पुर्जी जारी भएको जानकारी प्राप्त भएकोजनाएको छ।
#अधुरा सडक र पेटी ठेक्काको विवाद
हर्क श्रेष्ठले कान्छाराम तामाङको कम्पनीमार्फत पेटी ठेक्का लिएर ओखलढुंगाको मिलनचोक–निसंखे सडक निर्माणको जिम्मेवारीलिएको र काम अधुरै छाडेको स्रोतको दाबी छ।
त्यस्तै, काष्ठमण्डप कन्स्ट्रक्सनबाट पेटी ठेक्कामा लिएको ओखलढुंगाको ठाडे–जन्तरखानी सडकको कामसमेत अलपत्र छाडेकोविश्वेश्वर बरालले बताएका छन्।
ठेक्का तथा निर्माण कार्यसँग जोडिएका यी विषयमा सम्बन्धित कम्पनी तथा श्रेष्ठको पक्षसमेत बुझ्न आवश्यक देखिन्छ।
#सडक निर्माणमा लापरबाहीले दुई बालकको मृत्यु भएको दाबी
श्रेष्ठले जिम्मेवारी लिएको भनिएको मिलनचोक–निसंखे सडकमा केही वर्षअघि भएको पहिरोमा बोलेरोमा सवार दुई बालकको मृत्युभएको र एक जना गम्भीर घाइते भएको दाबीसमेत गरिएको छ।
पीडित पक्षका अनुसार सडक निर्माणका क्रममा भएको लापरबाहीका कारण पहिरो खसेर दुर्घटना भएको थियो। मृतकका परिवारलाईक्षतिपूर्ति दिनुको सट्टा धम्की दिएको आरोप लागेपछि मृतक बालकका बुवाले जिल्ला प्रहरी कार्यालय ओखलढुंगामा उजुरी दिएको रप्रहरीले श्रेष्ठलाई हिरासतमा लिएको बताइएको छ।
पछि मृतक परिवारलाई क्षतिपूर्ति उपलब्ध गराएपछि श्रेष्ठ हिरासतमुक्त भएको दाबी गरिएको छ। यस विषयमा सम्बन्धित प्रहरी तथाअदालतका अभिलेखबाट थप पुष्टि हुन बाँकी छ।
#श्रीमतीविरुद्ध समेत पक्राउ पुर्जी जारी भएको दाबी
श्रेष्ठकी श्रीमती गीतामाया श्रेष्ठविरुद्ध यादव पौडेलको जाहेरीका आधारमा नेपाल सरकार वादी र गीतामाया श्रेष्ठ प्रतिवादी रहेकोमुद्दामा जिल्ला अदालत काठमाडौंले पक्राउ पुर्जी जारी गरेको दाबी गरिएको छ।
उक्त पक्राउ पुर्जीविरुद्ध उच्च अदालत पाटन पुगेको र अदालतले देवानी मुद्दाबाहेक फौजदारी मुद्दामा पक्राउ गरी आवश्यक अनुसन्धानगर्न सकिने स्पष्ट उल्लेख गरेको दाबी गरिएको छ। यद्यपि, यस विषयमा प्रहरी अनुसन्धानको अवस्थाबारे स्वतन्त्र पुष्टि आवश्यक‘मिटरब्याजी’को आरोप लगाएर उम्कने गरेको पीडितको दाबी
पीडितहरूका अनुसार श्रेष्ठले सुरुमा आफूले कारोबार गर्न खोजेको व्यक्तिको आर्थिक अवस्था र मनोविज्ञान बुझ्ने, आफू प्रभावशालीतथा प्रतिष्ठित व्यक्तिहरूसँग निकट सम्बन्धमा रहेको दाबी गर्दै विश्वासमा पार्ने र त्यसपछि रकम सापटी लिने गरेका थिए।
रकम लिएपछि फिर्ता नगर्ने तथा रकम फिर्ता माग्दा उल्टै ‘मिटरब्याजी’लगायतका आरोप लगाउँदै प्रहरीमा उजुरी गर्ने रसञ्चारमाध्यममार्फत दबाब सिर्जना गर्ने गरेको पीडितहरूको आरोप छ।
उनीबाट ठगीमा परेको दाबी गर्दै हालसम्म करिब २० जना व्यक्ति जनरक्षाको सम्पर्कमा आएको बताइएको छ। तीमध्ये नेपाली कांग्रेसकानेता रामहरि खतिवडा, उद्योग वाणिज्य महासंघ सुनसरीका अध्यक्ष गोपाल श्रेष्ठ, ओखलढुंगा निर्माण व्यवसायी संघका अध्यक्ष तथावडा अध्यक्ष विनोदकुमार ताम्राकार र पेट्रोल पम्प सञ्चालक विश्वेश्वर बरालका गुनासालाई यस शृङ्खलाको पहिलो भागमासमेटिएको छ।
पीडितहरूका अनुसार श्रेष्ठमाथि मोटर पार्ट्सको बक्यौता, कर्मचारी तथा श्रमिकको पारिश्रमिक, राशन पसल र पेट्रोल पम्पकोभुक्तानीलगायत विभिन्न आर्थिक दायित्व पूरा नगरेको आरोपसमेत छ।
#काठमाडौंमा पाँचवटा घर बनाएको दाबी
पीडितहरूले श्रेष्ठले विभिन्न व्यक्तिसँगको आर्थिक कारोबारमा अनियमितता गर्दै काठमाडौं उपत्यकाका विभिन्न स्थानमा पाँचवटाआलिशान घर निर्माण गरेको दाबी गरेका छन्। उनका पेप्सीकोलामा दुई, थानकोटमा एक, कोटेश्वरमा एक र काँडाघारीमा एक घररहेको उनीहरूको भनाइ छ।
यद्यपि, ती सम्पत्तिको स्वामित्व, खरिद स्रोत तथा निर्माणमा प्रयोग भएको रकमको वैधानिकताबारे सम्बन्धित निकायबाट स्वतन्त्र पुष्टिहुन बाँकी छ।
#श्रेष्ठको प्रतिक्रिया के छ?
उल्लिखित आरोप तथा दाबीबारे प्रतिक्रिया लिन जनरक्षाले हर्क श्रेष्ठसँग सम्पर्क गर्ने प्रयास गरेको जनाएको छ। तर उनीसँग सम्पर्क हुनसकेन।
यस समाचारमा उल्लेख गरिएका अधिकांश विषय पीडित तथा स्रोतहरूले लगाएका आरोप र दाबीमा आधारित छन्। ती आरोपकोअन्तिम सत्यता सम्बन्धित निकायको अनुसन्धान, अदालतको निर्णय तथा प्रमाणबाट मात्र स्थापित हुनेछ।
